કાન્સના રેડ કાર્પેટ પર ઐશ્વર્યા રાયનો જાદુ ચાલ્યો, આરાધ્યાએ પ્રિન્સેસ લુકમાં લાઈમલાઈટ ચોરી કરી, તસવીરો થઈ વાયરલ

કાન્સ ફિલ્મ ફેસ્ટિવલ 2026માં દુનિયાભરના સ્ટાર્સે પોતાની ગ્લેમરસ સ્ટાઈલથી હેડલાઈન્સ બનાવી, પરંતુ ભારતીય ચાહકોની નજર માત્ર ઐશ્વર્યા રાય પર જ ટકેલી હતી. તેના આઇકોનિક રેડ કાર્પેટ લુકથી દર વર્ષે સમાચારોમાં રહેતી ઐશ્વર્યાના ચાહકો આતુરતાથી રાહ જોતા હતા અને તેની પહેલી ઝલક સામે આવતાં જ ઇન્ટરનેટ પર તેના વિશે જ ચર્ચા શરૂ થઈ ગઈ હતી. પહેલા તો ઐશ્વર્યાએ રેડ કાર્પેટ પર ડાર્ક બ્લુ રંગના ચમકદાર ગાઉનમાં એન્ટ્રી કરીને સૌનું ધ્યાન ખેંચ્યું હતું, હવે તેના બીજા લુકએ પણ લોકોને દિવાના બનાવી દીધા છે. પરંતુ આ વખતે માત્ર ઐશ્વર્યા જ નહીં તેની પુત્રી આરાધ્યા બચ્ચન પણ લાઇમલાઇટમાં હતી. દર વર્ષે પોતાની માતા સાથે કાન પહોંચતી આરાધ્યાએ આ વખતે પોતાની સ્ટાઈલ અને આત્મવિશ્વાસથી લોકોના દિલ જીતી લીધા. લાલ રંગના ગાઉનમાં પોતાની માતા સાથે પોઝ આપતી આરાધ્યાની સ્ટાઈલ જોઈને ચાહકો કહી રહ્યા છે કે બચ્ચન પરિવારની નવી સ્ટાર હવે ધીમે ધીમે ગ્લેમર વર્લ્ડમાં પોતાની ઓળખ બનાવી રહી છે. ફોટો સૌજન્ય- instgram@iyan.amjad)