PC ના વૈશ્વિક વેચાણમાં ટોચ પર Lenovo, HP બીજા સ્થાને

ગયા વર્ષના ચોથા ક્વાર્ટરમાં ગ્લોબલ પીસી માર્કેટમાં થોડી વૃદ્ધિ જોવા મળી છે. ડેસ્કટોપ, લેપટોપ અને વર્કસ્ટેશન સાધનોના શિપમેન્ટમાં વર્ષ-દર-વર્ષના આધારે લગભગ 1 ટકાનો વધારો થયો છે. PCનું વૈશ્વિક શિપમેન્ટ આશરે 91 મિલિયન યુનિટથી વધીને 92 મિલિયન યુનિટ થયું છે. ગયા વર્ષમાં આ શિપમેન્ટ 34.1 કરોડ યુનિટ હતું. પીસી શિપમેન્ટમાં લેનોવો ટોચ પર છે. આ પછી એચપી, ડેલ, એપલ અને એસરનો સમાવેશ થાય છે.

બજાર વિશ્લેષક ફર્મ કેનાલિસના અહેવાલ મુજબ, ગયા વર્ષે PCનું કુલ વૈશ્વિક શિપમેન્ટ વધીને 341 મિલિયન યુનિટ થયું હતું. ગત વર્ષની સરખામણીમાં આ લગભગ 15 ટકાની વૃદ્ધિ છે. આ સાથે, 2021 માં 2012 પછી વૈશ્વિક સ્તરે સૌથી વધુ સંખ્યામાં PC શિપમેન્ટ જોવા મળ્યા છે. રિપોર્ટમાં જણાવાયું છે કે ગયા વર્ષના ચોથા ક્વાર્ટરમાં PC ઉદ્યોગનું કુલ અંદાજિત મૂલ્ય આશરે $70 બિલિયન (અંદાજે રૂ. 5,17,510 કરોડ) હતું. વાર્ષિક ધોરણે 11 ટકાનો વધારો થયો છે. છેલ્લા આખા વર્ષમાં આ ઉદ્યોગની કુલ આવક 250 અબજ ડોલર (આશરે રૂ. 18,48,290 કરોડ) કરતાં વધુ હતી અને તેમાં 15 ટકાનો વધારો થયો છે.

લેનોવોએ ચોથા ક્વાર્ટરમાં લગભગ 21.7 મિલિયન યુનિટ્સ સાથે વૈશ્વિક PC શિપમેન્ટનું નેતૃત્વ કર્યું હતું. આ પછી એચપી, ડેલ, એપલ અને એસરનો સમાવેશ થાય છે. આ કંપનીઓનું શિપમેન્ટ અનુક્રમે 1.87 કરોડ યુનિટ, 1.72 કરોડ યુનિટ, 78 લાખ યુનિટ અને 66 લાખ યુનિટ હતું. Lenovoએ ગયા વર્ષે આખા વર્ષમાં 82.1 મિલિયન યુનિટ્સનું રેકોર્ડ શિપમેન્ટ નોંધાવ્યું હતું, જે વાર્ષિક ધોરણે 13.1 ટકાની વૃદ્ધિ દર્શાવે છે. Lenovoએ તેની ThinkBook લેપટોપ શ્રેણી અપડેટ કરી છે. કંપનીએ નવા મોડલ લોન્ચ કર્યા છે. તેમાં Lenovo ThinkBook Plus Gen 3, ThinkBook 13x Gen 2, ThinkBook 14 Gen 4+ અને ThinkBook 16 Gen 4નો સમાવેશ થાય છે. કંપનીએ ‘ThinkCentre neo’ પોર્ટફોલિયો હેઠળ ત્રણ નવા ડેસ્કટોપ પીસી પણ લોન્ચ કર્યા છે. આમાં ThinkCentre neo 7t, ThinkCentre neo 50s અને ThinkCentre neo 3a 24 નો સમાવેશ થાય છે. તે બધા 12મી પેઢીના ઇન્ટેલ કોર પ્રોસેસર પર ચાલે છે.

HPએ ગયા વર્ષે 7.41 કરોડ યુનિટ મોકલ્યા હતા, જે 9.5 ટકાની વૃદ્ધિ દર્શાવે છે. ડેલનું શિપમેન્ટ 59.3 મિલિયન યુનિટ, એપલનું 29 મિલિયન યુનિટ અને એસરનું 24.4 મિલિયન યુનિટ હતું.