ઝોયા અખ્તરની ઓફિસમાંથી 66 હાર્ડ ડિસ્કની ચોરી, કંપનીને લાખોનું નુકસાન, એક આરોપીની ધરપકડ, એક ફરાર

મુંબઈ. ફિલ્મ ઈન્ડસ્ટ્રીમાં ડેટા ચોરીનો એક મોટો કિસ્સો પ્રકાશમાં આવ્યો છે. પ્રખ્યાત ફિલ્મ નિર્માતાઓ ઝોયા અખ્તર અને રીમા કાગતીના પ્રોડક્શન હાઉસ ટાઈગર બેબી ડિજિટલ એલએલપીમાંથી 66 હાર્ડ ડિસ્ક ગુમ થઈ ગઈ છે. આ હાર્ડ ડિસ્કમાં ફિલ્મો, વેબ સિરીઝ અને એડવર્ટાઇઝિંગ પ્રોજેક્ટ્સ સંબંધિત ખૂબ જ મહત્વપૂર્ણ અને ગોપનીય ડેટા છે. પ્રાથમિક તપાસમાં ચોરીના કારણે અંદાજે 12 થી 13 લાખ રૂપિયાનું નુકસાન થયું હોવાનું બહાર આવ્યું છે. પરંતુ જો આ ડેટા લીક થાય તો નુકસાન કરોડોમાં પહોંચી શકે છે.