Xiaomiએ લોન્ચ કર્યા બે નવા લેપટોપ, જાણો તેમના ફીચર્સ

એક દિવસ પહેલા Mi Notebook Air 12.5-Inch (2019) લૉન્ચ કર્યા પછી, Xiaomi એ તેના નોટબુક લેપટોપના બે નવા વેરિઅન્ટ લૉન્ચ કર્યા છે. Xiaomiએ Weibo પર Mi Notebook Air 13.3-inch (2019) અને Mi Notebook 15.6-inch (2019) વેરિઅન્ટ લૉન્ચ કરવાની જાહેરાત કરી છે. બંને લેપટોપ Intel Core i5 CPU અને 8 GB સુધીની રેમ સાથે આવે છે. Mi Notebook 15.6 (2019) માત્ર ચીનમાં જ ઉપલબ્ધ કરાવવામાં આવી છે.

Mi Notebook Air 13.3-inch (2019) મોડલની કિંમત CNY 5,399 (અંદાજે રૂ. 55,600) છે. તે 13.3-ઇંચ ડિસ્પ્લે, આઠમી પેઢીના ઇન્ટેલ કોર i5 ક્વાડ-કોર પ્રોસેસર, Nvidia GeForce MX250 ગ્રાફિક્સ કાર્ડ, 8 GB RAM અને 256 GB SSD સ્ટોરેજ સાથે આવે છે. 13.3-ઇંચ મોડલની કનેક્ટિવિટી સુવિધાઓમાં USB Type-C પોર્ટ, HDMI પોર્ટ, USB 3.0 પોર્ટ અને 3.5mm ઑડિયો જેકનો સમાવેશ થાય છે. આ લેપટોપનું વજન 1.3 કિલો છે. Xiaomi કહે છે કે તે ઠંડક માટે મેટલ ફેન સાથે આવે છે. લેપટોપ ડોલ્બી સરાઉન્ડ સાઉન્ડ ટેકનોલોજીથી સજ્જ છે. Mi Notebook Air 13.3-inch (2019)નું વેચાણ ચીનમાં શરૂ થઈ ગયું છે.

હવે વાત કરીએ Mi Notebook 15.6 inch (2019) વિશે. આ મોડલની કિંમત 4,299 ચીની યુઆન (લગભગ 44,300 રૂપિયા) છે. તે 15.6-ઇંચ ફુલ-એચડી 1080 પિક્સેલ ડિસ્પ્લે, ઇન્ટેલ કોર i5 પ્રોસેસર, 8 GB રેમ, Nvidia GeForce MX110 GPU, 256 GB અને 512 GB સ્ટોરેજથી સજ્જ છે. આ લેપટોપમાં MS Office પહેલેથી જ ઇન્સ્ટોલ છે.

અમે તમને અગાઉ કહ્યું તેમ, Intel Core M3 અને 128 GB SSD સ્ટોરેજ સાથે Mi Notebook Airના 12.5-ઇંચ (2019) મોડલની કિંમત CNY 3,599 (અંદાજે રૂ. 38,400) છે. Intel Core m3 અને 256 GB SSD સ્ટોરેજવાળા વેરિઅન્ટની કિંમત 3,999 ચીની યુઆન (અંદાજે રૂ. 42,700) છે. Intel Core i5 અને 256 GB SSD સ્ટોરેજ વેરિઅન્ટની કિંમત CNY 4,299 (અંદાજે રૂ 45,900) છે.