By 
વર્ષ 2026 ની શરૂઆતમાં, Xiaomi, Poco, Motorola અને Realme જેવી કંપનીઓએ Motorola Signature, Redmi Note 15 સિરીઝ, Poco M8 થી Realme 16 Pro જેવા સ્માર્ટફોન લોન્ચ કર્યા હતા. હવે ફેબ્રુઆરીમાં પણ ઘણા નવા સ્માર્ટફોન લોન્ચ થવા જઈ રહ્યા છે. Vivo, Samsung, Apple, Google, Oppo અને iQOO જેવી કંપનીઓ તેમના નવા સ્માર્ટફોન લોન્ચ કરવા જઈ રહી છે. અહીં અમે તમને ફેબ્રુઆરી 2026માં લૉન્ચ થનારા આગામી સ્માર્ટફોન અને તેના ફીચર્સ વિશે વિગતવાર જણાવી રહ્યાં છીએ.
Vivo V70 સિરીઝ
Vivo તેની V70 સિરીઝમાં V70 અને V70 Elite લોન્ચ કરવા જઈ રહ્યું છે. આ બંને ફોનમાં 6.59 ઇંચની ફુલ HD + AMOLED ડિસ્પ્લે હશે, જેમાં 120Hz રિફ્રેશ રેટ હશે. V70 Eliteમાં Snapdragon 8s Gen 3 ચિપસેટ હશે, જ્યારે V70 પાસે Snapdragon 7 Gen 4 હશે. આ બંને ફોનમાં 50-મેગાપિક્સલનો પ્રાથમિક કૅમેરો, 50-મેગાપિક્સલનો 3x ZEISS ટેલિફોટો કૅમેરો અને 8-મેગાપિક્સલનો અલ્ટ્રા-વાઇડ કૅમેરા હશે.
સેમસંગ ગેલેક્સી A07
સેમસંગ સેમસંગ ફેબ્રુઆરીની શરૂઆતમાં Galaxy A07 લોન્ચ કરવા જઈ રહ્યું છે. આ ફોનમાં 6.7 ઇંચ HD+ ડિસ્પ્લે હશે, જેમાં 120Hz રિફ્રેશ રેટ અને 800 nits પીક બ્રાઇટનેસ હશે. આ ફોન MediaTek Helio G99 ચિપસેટથી સજ્જ હશે. તેમાં 50-મેગાપિક્સલનો પ્રાઇમરી કેમેરા અને 2-મેગાપિક્સલનો સેકન્ડરી કેમેરા હશે. ફ્રન્ટમાં 8 મેગાપિક્સલનો સેલ્ફી કેમેરો હશે. આ ફોન 6,000mAh બેટરીથી સજ્જ હશે જે 25W ફાસ્ટ ચાર્જિંગને સપોર્ટ કરશે.
iQOO 15R
iQOO 24 ફેબ્રુઆરીએ iQOO 15R માર્કેટમાં લોન્ચ કરવા જઈ રહ્યું છે. iQOO 15Rમાં 6.59-ઇંચની ફુલ HD+ ડિસ્પ્લે હશે, જેમાં 144Hz રિફ્રેશ રેટ હશે. આ ફોન IP6X રેટિંગથી સજ્જ હશે. તેમાં સ્નેપડ્રેગન 8 જનરલ 5 પ્રોસેસર આપવામાં આવી શકે છે. તેમાં 12GB રેમ અને 512GB સ્ટોરેજ હોવાની શક્યતા છે. આ ફોનમાં 200 મેગાપિક્સલનો પ્રાઇમરી કેમેરા અને 32 મેગાપિક્સલનો ફ્રન્ટ કેમેરા હશે. આ ફોન 7,600mAh બેટરીથી સજ્જ હશે.
Apple iPhone 17e
Apple ફેબ્રુઆરીમાં iPhone 17e લોન્ચ કરવા જઈ રહ્યું છે. iPhone 17eમાં 6.1-ઇંચની ડિસ્પ્લે હશે, જેમાં 60Hz રિફ્રેશ રેટ હશે. આ iPhone A19 ચિપસેટથી સજ્જ હશે. આ સિવાય આ iPhone સેન્ટરસ્ટેજ, મેગસેફ ચાર્જિંગ અને 4K ડોલ્બી વિઝન વીડિયો રેકોર્ડિંગને સપોર્ટ કરશે. જો કે, કેમેરા વિશે હજુ સુધી માહિતી ઉપલબ્ધ નથી.
સેમસંગ ગેલેક્સી F70
સેમસંગ ફેબ્રુઆરીમાં Galaxy F70 અને F70e લોન્ચ કરે તેવી શક્યતા છે. આ સ્માર્ટફોનની કિંમત 10-15 હજાર રૂપિયાની વચ્ચે હશે. કંપની આ સ્માર્ટફોન્સમાં કેમેરા પર વધુ ફોકસ કરશે. જોકે, સ્પેસિફિકેશન્સ વિશે કંઈ જાહેર કરવામાં આવ્યું નથી.
