RedmiBook અને Mi બ્રાન્ડના લેપટોપ ભારતમાં ટૂંક સમયમાં લોન્ચ થશે: રિપોર્ટ

RedmiBook અને Mi બ્રાન્ડના લેપટોપ ટૂંક સમયમાં ભારતીય બજારમાં લોન્ચ થઈ શકે છે. આવો દાવો એક ટિપસ્ટરનો છે. નોંધનીય છે કે RedmiBook અને Mi બ્રાન્ડના લેપટોપને ભારતમાં લાવવાની માંગ ઘણા સમયથી કરવામાં આવી રહી છે. Xiaomi એ આ વર્ષે જ RedmiBook માટે ટ્રેડમાર્ક રજીસ્ટર કરાવ્યું હતું. ફેબ્રુઆરી મહિનામાં RedmiBook 13 નોટબુક લૉન્ચ થવાના અહેવાલ હતા. પરંતુ આવું ન થયું. હવે નવી માહિતીએ ફરી એકવાર આશા જગાવી છે. પરંતુ કંપની દ્વારા RedmiBook અથવા Mi લેપટોપને લઈને કોઈ સત્તાવાર નિવેદન આપવામાં આવ્યું નથી.

ટિપસ્ટર ઈશાન અગ્રવાલના જણાવ્યા અનુસાર, Xiaomi ઈન્ડિયાના વડા મનુ કુમાર જૈને રિટેલર્સને કહ્યું છે કે RedmiBook અને Mi બ્રાન્ડના લેપટોપ ટૂંક સમયમાં ભારતમાં લોન્ચ કરવામાં આવશે.

ટ્વીટ અનુસાર, મનુ કુમાર જૈને સ્પષ્ટતા કરી નથી કે લોન્ચ ક્યારે થશે. શક્ય છે કે લૉકડાઉન સમાપ્ત થયા પછી Xiaomi આ પોર્ટફોલિયોને રજૂ કરે. કારણ કે લોકડાઉનને કારણે બધુ ઠપ થઈ ગયું છે.

તમામ મોબાઈલ ફોન અને કોમ્પ્યુટરની દુકાનોને તાળા મારી દેવામાં આવ્યા છે. ઈ-કોમર્સ કંપનીઓ કામ કરી રહી છે, પરંતુ તેમને લેપટોપ કે મોબાઈલ ફોન જેવા ઉત્પાદનો વેચવાની મંજૂરી નથી. હાલમાં, ભારતમાં લોકડાઉન 3 મે સુધી અમલમાં રહેશે. તે ક્યારે દૂર કરવામાં આવશે તે પણ સ્પષ્ટ નથી. જો કંપની લોકડાઉન હટાવ્યા પહેલા RedmiBook લોન્ચ કરે તો પણ તેને વેચવામાં ઘણી મુશ્કેલીઓનો સામનો કરવો પડશે.

અગાઉ, ભારતમાં Xiaomi દ્વારા RedmiBook બ્રાન્ડના ટ્રેડમાર્કની નોંધણી કરવામાં આવી હતી. આ પછી ભારતમાં RedmiBook લેપટોપ લાવવાની શક્યતાઓ પ્રબળ બની હતી.