Realme GT 9 Pro માં 200 મેગાપિક્સલ ડ્યુઅલ રીઅર કેમેરા સિસ્ટમ મળી શકે છે

મોટી હેન્ડસેટ કંપનીઓમાંની એક Realmeની નવી સ્માર્ટફોન સીરિઝ ટૂંક સમયમાં લોન્ચ થઈ શકે છે. Realme GT 9 સિરીઝ વિશે કેટલીક લીક થયેલી માહિતી પ્રાપ્ત થઈ છે. આ શ્રેણીમાં Realme GT 9 અને Realme GT 9 Proનો સમાવેશ થઈ શકે છે. તે ગયા વર્ષે રજૂ કરાયેલ Realme GT 8 શ્રેણીને બદલી શકે છે.

ચીનના માઇક્રોબ્લોગિંગ પ્લેટફોર્મ Weibo પરની એક પોસ્ટમાં, ટિપસ્ટર સ્માર્ટ પીકાચુએ ખુલાસો કર્યો છે કે આગામી સ્માર્ટફોન સિરીઝના બેઝ મોડલના રિયર કેમેરા યુનિટમાં 200-મેગાપિક્સલનો કેમેરો હોઈ શકે છે અને Realme GT 9 Proમાં 200-મેગાપિક્સલનો ડ્યુઅલ કેમેરા હોઈ શકે છે. આ વર્ષે મોટી સ્માર્ટફોન કંપનીઓ તેમના મોંઘા સ્માર્ટફોનમાં 200 મેગાપિક્સલના ડ્યુઅલ રિયર કેમેરા આપી શકે છે. આમાં આગામી Oppo Find X9s, Oppo Find X10 Pro અને Vivo X300 Ultraના પાછળના કેમેરા એકમોમાં અપગ્રેડનો સમાવેશ થઈ શકે છે.

Realme GT 8 Proમાં 6.79-ઇંચ QHD+ (1,440 x 3,136 પિક્સેલ્સ) AMOLED ફ્લેક્સિબલ ડિસ્પ્લે 144 Hz સુધીના રિફ્રેશ રેટ સાથે, 7,000 nits નું પીક બ્રાઇટનેસ લેવલ છે. આ ડ્યુઅલ-સિમ સ્માર્ટફોન Realme UI 7.0 પર ચાલે છે. આ સીરીઝના બંને સ્માર્ટફોનમાં સમાન ડિસ્પ્લે અને સ્પેસિફિકેશન છે. Realme GT 8 અને Realme GT 8 Pro પાસે Snapdragon 8 Elite Gen 5 ચિપસેટ છે. આ બંને સ્માર્ટફોનમાં 7,000 mAh બેટરી છે. બેટરી 100 W વાયર્ડ ચાર્જિંગને સપોર્ટ કરે છે. Realme GT 8 Proના ટ્રિપલ રિયર કેમેરા યુનિટમાં f/1.8 અપર્ચર સાથે Ricoh GR એન્ટિ-ગ્લેર પ્રાઇમરી કૅમેરા, f/2.0 અપર્ચર સાથે 50-મેગાપિક્સલનો અલ્ટ્રા-વાઇડ કૅમેરો અને f/2.6 અપર્ચર સાથે 200-મેગાપિક્સલનો ટેલિફોટો કૅમેરો શામેલ છે. આ સ્માર્ટ ફોન ફ્રન્ટ પર, સેલ્ફી અને વિડિયો કૉલ્સ માટે f/2.4 અપર્ચર સાથે 32-મેગાપિક્સલનો કૅમેરો છે.

આ સીરીઝના Realme GT 8 નો પ્રાથમિક કેમેરા સમાન છે. તેમાં 8 મેગાપિક્સલનો અલ્ટ્રા-વાઇડ કેમેરા અને 50 મેગાપિક્સલનો ટેલિફોટો કેમેરા આપવામાં આવ્યો છે. આ સ્માર્ટફોનના ફ્રન્ટમાં 16 મેગાપિક્સલનો કેમેરો છે. આ બંને સ્માર્ટફોન 30 fps પર 8K રિઝોલ્યુશન સાથે વિડિયો રેકોર્ડિંગને સપોર્ટ કરે છે. કનેક્ટિવિટી માટે આમાં બ્લૂટૂથ, વાઇ-ફાઇ અને NFC વિકલ્પો છે. સુરક્ષા માટે આ સ્માર્ટફોન્સમાં ઇન-ડિસ્પ્લે ફિંગરપ્રિન્ટ સેન્સર છે.