By 
Xiaomi તેના કેટલાક જૂના સ્માર્ટફોન માટે સોફ્ટવેર સપોર્ટ બંધ કરવા જઈ રહી છે. કંપનીના સિક્યોરિટી સેન્ટર અને એન્ડ્રોઇડ એન્ટરપ્રાઇઝ રેકમન્ડેડ (AER) ડેટા અનુસાર, હવે Xiaomi 12 સિરીઝ અને Redmi Note 12 5G પર કોઈ નવું OTA અપડેટ, સિક્યુરિટી પેચ કે ફીચર અપડેટ નહીં મળે. આનો અર્થ એ થયો કે આ તમામ ઉપકરણો હવે સત્તાવાર રીતે એન્ડ-ઓફ-લાઇફ (EOL) કેટેગરીમાં આવી ગયા છે અને તેને આગળ કોઈ સોફ્ટવેર સપોર્ટ આપવામાં આવશે નહીં.
આ યાદી માં Xiaomi 12 અને Xiaomi 12 Pro તેમાં એન્ડ્રોઇડ 15 અને હાયપરઓએસ 3.0 પર અપડેટ કરવામાં આવેલ છે, જે હવે તેમનું અંતિમ સંસ્કરણ હશે. Xiaomi 12 Lite ને Android 14 અને HyperOS 1.0 સુધી સપોર્ટ મળ્યો છે, જ્યારે Redmi Note 12 5G Android 14 અને HyperOS 2.0 પર અટકી. કંપનીના જણાવ્યા અનુસાર, આ તમામ ઉપકરણો હવે તેમના અપડેટ ચક્રના અંતમાં પહોંચી ગયા છે.
XiaomiTime અનુસારઆ નિર્ણય પાછળ માત્ર સમય જ નહીં પરંતુ હાર્ડવેર લિમિટેશન પણ મુખ્ય કારણ હોવાનું કહેવાય છે. ખાસ કરીને Xiaomi 12 સિરીઝમાં વપરાતું Snapdragon 8 Gen 1 પ્રોસેસર પહેલેથી જ થર્મલ સમસ્યાઓ અને ઉચ્ચ પાવર વપરાશ માટે જાણીતું છે. આવી સ્થિતિમાં, આ ચિપસેટ નવા અને ભારે સોફ્ટવેર અપડેટ્સ સાથે સ્થિર કામગીરી પ્રદાન કરવામાં સક્ષમ માનવામાં આવતું નથી.
કંપનીનું કહેવું છે કે HyperOS જેમ જેમ વધુ એડવાન્સ્ડ અને AI ફીચર્સથી સજ્જ થઈ રહ્યું છે, તેને આ જૂના પ્રોસેસર્સ પર ચલાવવું મુશ્કેલ બની રહ્યું છે. આનાથી વપરાશકર્તાનો અનુભવ બહેતર થવાને બદલે વધુ ખરાબ થઈ શકે છે, જેમ કે ઓવરહિટીંગ અથવા પરફોર્મન્સમાં ઘટાડો જેવી સમસ્યાઓ.
આવી સ્થિતિમાં, Xiaomiએ આ ઉપકરણો માટે અપડેટ્સ બંધ કરવાનો નિર્ણય લીધો છે, જેથી વપરાશકર્તાઓને ખરાબ અથવા અસ્થિર સોફ્ટવેર અનુભવ ન મળે. જો કે જે વપરાશકર્તાઓ પાસે આ સ્માર્ટફોન છે તેઓ હજુ પણ તેમના ઉપકરણોનો ઉપયોગ કરી શકે છે, તેઓને કોઈ વધુ સુરક્ષા અપડેટ્સ અથવા નવી સુવિધાઓ મળશે નહીં.
