‘ધ ફેમિલી મેન’ના જેકે પર દુઃખનો પહાડ પડ્યો, તેની પત્નીને છઠ્ઠી વખત કેન્સર થયું.

શારીબ હાશ્મી અને તેની પત્ની નસરીન હાશ્મી હાલમાં જીવનની ખૂબ જ કપરી લડાઈ લડી રહ્યા છે. 2018માં નસરીનને પહેલીવાર ઓરલ કેન્સર હોવાનું નિદાન થયું હતું અને ત્યારથી તે પાંચ વખત કેન્સરને હરાવી ચૂકી છે. જોકે, હવે છઠ્ઠી વખત કેન્સર તેના આખા શરીરમાં ફેલાઈ ગયું છે. શારિબે જણાવ્યું કે નસરીન ખૂબ જ મજબૂત અને હિંમતવાન છે, જેણે દરેક વખતે હિંમતથી બીમારીનો સામનો કર્યો. જ્યારે નસરીને કહ્યું કે શારિબ દરેક મુશ્કેલ સમયમાં તેની સાથે મજબૂતીથી ઉભો રહ્યો. અનેક સર્જરી અને લાંબી સારવારને કારણે નસરીનનું જીવન અને ચહેરો ઘણો બદલાઈ ગયો હતો, પરંતુ તે તેના પરિવાર સાથે રહેવાને પોતાની સૌથી મોટી તાકાત માને છે. બંનેએ 2003માં લગ્ન કર્યા હતા અને તેમને બે બાળકો છે.