By 
Huawei એ તેની Enjoy શ્રેણીમાં નવો સ્માર્ટફોન Huawei Enjoy 90 Pro Max લોન્ચ કર્યો છે. આ ફોન 6.84-ઇંચ OLED ડિસ્પ્લે, 120Hz રિફ્રેશ રેટ અને મોટી 8,500mAh બેટરી જેવી સુવિધાઓ સાથે આવે છે. કંપનીના જણાવ્યા અનુસાર, તેમાં Kirin 8000 ચિપસેટ છે અને તે HarmonyOS 6.0 પર ચાલે છે. ફોનમાં 50-મેગાપિક્સલનો રિયર કેમેરા અને 10x ડિજિટલ ઝૂમ સપોર્ટ છે.
કિંમત વિશે વાત કરીએ તો, Huawei Enjoy 90 Pro Max ની શરૂઆતની કિંમત 1,699 Yuan (લગભગ રૂ. 23,000) રાખવામાં આવી છે, જે 128GB સ્ટોરેજ વેરિઅન્ટ માટે છે. જ્યારે 256GB અને 512GB સ્ટોરેજ વિકલ્પોની કિંમત અનુક્રમે 1,999 યુઆન (લગભગ રૂ. 27,000) અને 2,399 યુઆન (લગભગ રૂ. 33,000) છે. આ સ્માર્ટફોન Dawn Gold, Flying Azure, Obsidian Black અને Snow White કલર વિકલ્પોમાં ઉપલબ્ધ હશે. તેનું વેચાણ ચીનમાં 2 એપ્રિલે સવારે 10.08 વાગ્યાથી શરૂ થશે.
Huawei Enjoy 90 Pro Max તેમાં 6.84-ઇંચની ફુલ-એચડી+ OLED ડિસ્પ્લે છે, જેનું રિઝોલ્યુશન 1272×2756 પિક્સેલ્સ છે. તેમાં 120Hz રિફ્રેશ રેટ, 300Hz ટચ સેમ્પલિંગ રેટ અને 2160Hz PWM ડિમિંગ સપોર્ટ છે. કંપનીના જણાવ્યા અનુસાર, આ ફોન કિરીન 8000 પ્રોસેસરથી સજ્જ છે અને તેને સ્મૂધ પરફોર્મન્સ આપવા માટે ડિઝાઇન કરવામાં આવ્યો છે.
કેમેરા વિશે વાત કરીએ તો, ફોનમાં 50-મેગાપિક્સલનો સિંગલ રિયર કેમેરા છે, જે RYYB સેન્સર અને f/1.9 અપર્ચર સાથે આવે છે. તેમાં 10x ડિજિટલ ઝૂમ સપોર્ટ છે. સેલ્ફી અને વીડિયો કોલિંગ માટે તેમાં 8 મેગાપિક્સલનો ફ્રન્ટ કેમેરો છે.
ફોનમાં 8,500mAh બેટરી છે, જે 40W વાયર્ડ ફાસ્ટ ચાર્જિંગને સપોર્ટ કરે છે. કનેક્ટિવિટી માટે, તેમાં ડ્યુઅલ-બેન્ડ Wi-Fi, બ્લૂટૂથ 6.0, USB Type-C પોર્ટ, GPS, GLONASS, Galileo, BeiDou અને QZSS જેવી સુવિધાઓ છે. સુરક્ષા માટે સાઇડ માઉન્ટેડ ફિંગરપ્રિન્ટ સેન્સર આપવામાં આવ્યું છે. ફોનનું વજન 232 ગ્રામ છે અને તે 7.98mm પાતળો છે.
